ek ladki hai madmast si
apni hi duniya me vyasth si
sochti na jane kya rehti hai
har pal kahin khoi rehti hai
anjaan, dhunein sunti rehti
kisi se kabhi kuch na kehti
har baat me dhundhe gehraai
aankho mein chhipi koi sachaai
jaane kya hai mann mein iske
doobi rahe khwabo mein jiske
kya hai gham kya pareshani
koi na jaane iski kahaani
kisi anjaan dar se darti hai
usse ladne ki koshish karti hai
thak kar haar kar chur hoti
aankho se behte phir uske moti
phir bhi kuch is tarah dil chhuti
sadgi ki ho koi pyari si vibhuti
mann mein apni jagah banati
anjaani se apni ban jaati...
No comments:
Post a Comment